【吹咩 · 求證】3 X 3

8號仔:喂5號仔, 遲啲奧運籃球你估今屆邊隊贏呢?
5號仔:遲啲? 你講緊2020東京呀仲有兩年幾喎,同埋屆屆都有啦,美國贏梗啦!
8號仔:我講緊 3 X 3 呀! 新加獎牌項目。
5號仔:咪一樣,是旦搵兩三個NBA,乜都唔洗打啦
8號仔:你唔好成日顧住苦練你個幾下絕招住啦,3 X 3同五打五好唔同嫁,你夠竟知唔知嫁?
5號仔:咪3個隊友同5個隊友既分別(?反正幾多個隊友都好我都唔多理,只要我一出輕鬆入樽就搞掂對面)
8號仔:?咁除左人數唔同 咁你仲知啲咩呀?安全sir話叫你揀多幾個人入隊,邊個都得呀!
5號仔:知啦得十二秒進攻嘛! 咁好易啫,叫呀龍返洛黎一開波比佢慢慢背籃牛入去,搞掂easy, 話哂都第一中鋒??
8號仔:?3 x 3例講明球員如果背籃或側對籃運球只可以五秒嫁! 如果唔係會違例嫁; 話埋比你知啊,如果入咗波之後只要原防守隊一扲到控球權就會開始計三秒,如果呀龍係「紮營」既話就好易賴野!
5號仔:咁呀⋯我知 3 X 3 用六號波大細但係七號波重量進行比賽,細粒啲 (而家一般既五人男子比賽打緊係七號波而女子既係六號)用射手係出面射死佢,?你估浄係得curry可以係咁係中場射呀,8號你同3號都可以啦!簡單野,一開波你地企係中場,比對面check完波我即刻傳俾你地射,人地係圈入面點都追唔切啦,一傳一射咁就三分????掂
8號仔:哎喲, 六號波岩呀但係錯左樣好緊要既野呀??‍♂
5號仔:係喎你整襯隻腳喎唔記得左添! 唔緊要,仲有孖八係到……
8號仔:唔係呢樣呀?,而係未開波防守球員係可以唔使入圈嫁,佢地可以出黎mark人,同埋3×3係無三分波嫁,平時既三分會當兩分計嫁!
5號仔:咁⋯唔通真係要靠我狂出輕鬆入樽先得
8號仔:你縱橫球場咁多年有冇遇到乜嘢好勁嘅對手你又贏唔到嫁,諗諗
5號仔:first step 快過我,跳得高過我,打3×3又成日嗌foul博and 1既,真係有一個,佢招絕招 「天下第一步」當年真係殺晒,佢又好講人情味,我同佢幾fd可以試下叫佢出山
8號仔:「天下第一步,唯獨係一號」咁我知係邊個啦??好喎
5號仔:等佢係咁產入去咁人地係咁foul,好易五犯foul out又可以係咁射罰球
8號仔:但係你知唔知 3 x 3 係無個人累積犯規嫁,即係無五犯離場嫁,所有犯規會以隊制犯規去計算!同埋身體接觸比全場相對較寬鬆!
5號仔:無foul out岩我喎?,身體接觸多左唔怕我識插水
8號仔:但係成隊加埋夠七次就開始射罰球,而十次就射罰球加開波,同埋2017年開始寫明,如果有身體接觸導致??完全??失去平衡或失去控球權先會吹犯規,所以會同全場好唔同,同埋如果插水, 係3×3入面唔會先有警告而係直接T foul
5號仔:咁死得啦好似無咩選擇咁,唯有學生肖sir啦,出Holloween戰術,咁我搵小拔同小余去打啦!
8號仔:?你知唔知有三粒星身份証唔係代表可以做香港代表嫁,而入籍先可以呀,所以佢地打唔到呀!
5號仔:咁⋯仲有咩要注意呀?
8號仔:例如可以唔洗攝衫啦;

  • 換人唔洗同球証講,死球個時隊友自己出嚟拍手換人啦;

  • time out得三十秒;

  • 如果是旦一隊扲到二十一分就會即刻完場;

  • 一開波擲毫贏咗個邊決定開唔開波先;

  • 如果決定唔開波先, 假設加時就可以開波先,加時最快扲兩分個隊會贏!仲有其他……

5號仔:嘩乜咁多野!
8號仔:吓, 你原來乜都唔知? 咁點解安全sir叫你㨂人你知啦瓜?
5號仔:我識得人多同埋你受左傷囉
8號仔:錯曬囉! 因為3×3 係無得報教練嫁,全部係球員自己話事嫁,如果唔係洗鬼叫你揾咩,同埋我好快會好返??
5號仔:咁我都要去練波啦,你快啲出返黎等你入樽
8號仔:一定!

Leave a Reply

Your email address will not be published.