Kyrie Flytrap

Kyrie Flytrap ，曾被名為 Ankletaker ，屬於首對 Kyrie 系列次級鞋款。
四年以嚟，Kyrie 所有鞋款都維持係 $120 美金以下，有時仲有8折，成為唔少學生愛鞋。Kyrie 系列推出一款次級鞋當然要主打「100鎂」以下市場，論外形、Kyrie Flytrap 唔算差，可能比較簡單，但絕對唔難carry 。

假如您準備入手 Kyrie Flytrap ，佢 sizing 非常值得注意。Kyrie Flytrap 鞋面材質相當柔軟，早前係日本首次試穿一對 EP 亞洲版本，當時已察覺鞋內空間充裕，我以為只係 EP 版本問題；直到上月正式入手另一對美版 Kyrie Flytrap ，一樣發現有類此問題 – 鞋型偏闊，但長度適中。如果您屬於扁平腳型，相信Kyrie Flytrap Fit size 一定好啱您，但如果您係一般腳形、甚至偏瘦，著依對鞋最好配返對厚襪會fit 好多。
係今年3月，Kyrie Flytrap 已經於全球唔同城市陸續推出，但大中華地區仲未見到有售 …… 到今個月中，香港終於有機會推出，定價仲要低過$650，真係有啲過分⋯⋯平，咁嘅價錢真係隨時輕輕鬆鬆入手咗都唔覺。