StockX Visit – 新市場的出現 Stock X

金融股票市場喺香港佔GDP 17%,如果將股市運作簡單運用在物品上呢?
我地經常買波鞋波衫,出現好多所謂 ”合理”價、不”合理”價,合理唔合理,邊個話呀?對鞋貴一貴買到返黎,仲要擔心佢真假,咁又可以問邊個?

一個新市場Stock X喺近幾年湧現,相信有唔少師兄都付出過「唔少」金錢俾StockX,我嘅朋友就有幸應 StockX 邀請去到底特律嘅StockX 總部參觀。到底裡面有啲乜?大家一齊睇下!
StockX 總部位於當地 Comerica Park 附近,喺由一間舊銀行改建而成,喺總部內仍然保留當期時一個金庫,宜家用作為會議室、接待室、甚至裝飾之用(當然係無金條……),係總部內經常見到好似股票市場價格LED display ,而係一般正常會議室會有一張鋪滿StockX 吊牌嘅枱,而係總部內仲有一個特別禁區,驗貨團隊所有成員就喺係裡面做野,當日Tour 仲有StockX 安排嘅午餐set。

介紹少少StockX 運作; 現時StockX 嘅運作模式有啲似e-Bay,不過就係一個升級版嘅 e-Bay + 競價交易混合體系,一件物品不論你係波鞋、Supreme Tee、Yeezy Boots 、LV 袋,除咗有物品競標外,仲會有提供每件物品每個呎碼嘅價錢走勢,當您見到心頭好,可以睇住個價位走勢做參考再入貨,當成功競標後,賣家寄出商品到StockX,再由專業團隊為您驗明真偽,驗完貨再寄俾買家,當然呢一PART會喺手續費包埋啦,亦都喺StockX 商業運作模式~但整個購物程序就來得簡單。

現時喺美國已經有幾個類似網站,相信呢類購物模式,好快就會凌駕現有網上購物模式。

 


Leave a Reply

Your email address will not be published.