匹克 TAICHI 1.0 PLUS

匹克 TAICHI 1.0 PLUS ，繼續採用今年全新極態中底，依然有好强烈踩💩感覺。TAICHI 1.0 PLUS 設計可以當作為 TAICHI 1.0 進化版，根據官方所指主要吸納用家對第一代之批評，鞋身改用立體編織方式設計，增加前掌透氣位、改變鞋籠前掌尺寸，更適合亞洲人扁平腳形；上一代最多人質疑外底耐用程度，TAICHI 1.0 PLUS 就改變設計增加凹凸鞋紋、提供防滑效果，並改用另一款物料加強耐磨度。

TAICHI 1.0 推出唔夠半年、匹克就推出PLUS 版本，新鞋仲要完全依據用家對第一代評論、回應及需求去設計，實際著用好自然比第一代出色。由用家主導設計概念其實幾得意，容易令之前買過嘅用家有親切感，而匹克係近日新鞋發佈會，請嚟兩位用家上台講解新鞋、分享第一代問題，方法都係集中用戶層面感受，加埋低定價確實容易令人接受，而少量化生産更加可以降低存倉、造鞋成本；但另一方面、太集中用戶層面考量，只會導致鞋款缺乏獨有設計概念，令更少人欣賞、研究自家設計，依點值得匹克為將來考慮。

👟 匹克 TAICHI 1.0 PLUS – 由匹克官方提供
📷 Projectlaceup