ALPHAEDGE 4D Exhibition

自從出現 3D 打印技術，人類生活開始產生變化；簡化生產過程、方便打印微細嘅醫藥、生物科技（人體器官移植），只要入曬數據到電腦，click 一 click 就製作出理想產品，減省唔少時間同成本，就好似代表著一種未來化生活理念。
利用 3D 打印技術嘅 adidas 4D 中底，由2017 年開始陸續推出特別合作系列 Consortium ，令每一對都顯得特別矜貴，但又有幾多用家真係會著嚟做運動？而 Adidas ALPHAEDGE 4D 誕生就係同全球講、4D 中底真係可以做運動。至於詳細介紹唔多講，有興趣可以參考官方新聞：
［ https://hiking.run/…/11/14/adidas-running-alphaedge-4d/ ］

星期三有幸收到 adidas 邀請，可以預先參觀展覽活動及玩下對 ALPHAEDGE 4D ；
相信最多人感興趣4D中底係咪真係可以跑步？究竟軟定硬？
ALPHAEDGE 4D 屬於 adidas 首款量產 4D 運動鞋，翻起鞋墊會發現內籠有一層紗布，同類設計用係大部分跑鞋上，可以減少鞋墊移位、或沙石對雙腳影響，係之前我入手嘅 FUTURE ARSHAM 4D 𥚃面，就只有纖薄網面，依點係運動型與 Consortium 系列最大分別，另一樣就係鞋面韌度；
根據官方消息指 ALPHAEDGE 4D 中底經特別設計、唔同受壓位置有唔同密度（詳細可睇官方介紹），暫時我唔敢肯定、因為未見到有人解剖兩款唔同嘅4D鞋，而且我未有機會著 ALPHAEDGE 4D 上腳；根據我著 FUTURE ARSHAM 4D 感受其實幾似 BOOST但比較偏硬少少，如果BOOST 係橡皮糖、咁4D係雪過一陣嘅橡皮糖。
蜂巢外形提供唔少擠壓空間，作為緩震概念之基礎法理，不過唔好認為軟綿綿、反而著上唔算彈，好奇怪？因為人類將視覺成為第一大信任度感觀、好容易被誤導，4D 中底按入感覺好軟但實際唔係咁，有興趣就直接去尖沙咀 adidas 旗艦店玩下佢、試下佢。
年初 adidas VP and Creative Director – Marc Dolce 介紹過有 4D 籃球鞋，相信經過 ALPHAEDGE 4D 之後，好快我地會見到，畢竟已經21世紀、4D中底可以為鞋類產業發展新衝擊；但反而我到宜家唔知點清洗 4D中底內嘅沙石，可能遲下又會有專人代洗服務？同埋$2499 量產型真係有點兒……