Project Rock Collection

The Rock – Dwayne Johnson ，較為人熟悉由飾演蠍子王角色開始，同時佢背景相當傳奇；出生於摔角手家庭，大學時期打美式足球，1995-1996開始職業摔角生涯，曾贏得多次 WWE 冠軍，到 2000 年推出自傳《The Rock Says…》；期後 The Rock 由摔角界走入電影世界，仍然堅持不斷訓練的態度感染到唔少人，而早兩年 Under Armour 睇準佢拼搏精神，為佢推出 Project Rock 訓練系列。

小編有一位朋友因工作關係，需要經常做 GYM 鍛練，（因工作比較敏感、唔方便出全樣??‍♂️）佢亦深受The Rock 訓練精神感染，可以話 The Rock Die-Hard Fans。喺上星期 ，The Rock 聯同電影《高凶浩刧》演員、工作人員到香港進行宣傳，佢捕咗幾日，終於捕獲 The Rock 請佢係對 Project Rock Delta 同頂帽簽名，而佢更加估唔到The Rock 真人極 Nice ；之後當我再詳細同佢傾先知一直有儲 Project Rock 系列……球員signature 系列可能大家比較見得最多，唔知 The Rock Collection 又有無見過？

– Project Rock 系列屬於一個好有趣 collection ，UA 以 The Rock 右臂上布拉曼猛牛頭紋身作為signature logo，大部分服飾以深色為主、營造一種硬朗風格，連最新推出 Headphone 都用黑色加牛頭Logo ；鞋款以多功能綜合訓練鞋為設計理念，Project Rock Delta (白黑色）及 Project Rock 1 均以中筒襪套外形，提供基本Ankle Support；Project Rock Delta中底採用 Charged 、Project Rock 1 採用 MicroG 緩震，兩款屬於偏硬中底、適合進行強度緞練。